nindiya se lamhe churakar, farda hum jagte rahe ,
chitthiyaan chahat ko banakar, tanha hum likhte rahe..
thak gayi thi aankhein itna ki, inko to ab sona tha , par soti kaise..
haathon ko kaagajrupi is dhage main ,moti jo pirona tha..
chah samaye kuch mann me, chanda chilman se jhaank raha tha,
baanh pasare andhiyaare me, sannaata bhi jaag raha tha..
hawaayon ne mastani hokar, jab-jab darwaaza hilaaya,
sehma dil aur tham gayi saansein, lagta tab jaise koi aaya..
aashna ko soch-soch kar, raat guzar gayi khayaalaat ki,
aankhon me ummeedein lekar, aaj sehar aayi mulaakat ki..
lafzon ne jab khat me dhalkar, chaahat ka paigaam diya,
nazron ne uski tab jhukkar, raaz-e-dil ko bayaan kiya..
hokar baatein kuch pyaari, afsaano si pal rahi thi,
paakar chaahat ho nyaari, tanhaai bhi dhal rahi thi..
pyaar k deepon se usne, munavvar kiya hai jo is dil ko,
ab darkaar nahi hai koi, sukoon mila hai har pal ko..
some words for clarification:
farda :yesterday , aashna:beloved or name (but in this used aashna as a beloved), sehar:morning
munavvar :illuminate , darkaar: wish
Subscribe to:
Post Comments (Atom)
2 comments:
Fantastic efforts.
kuch baatein bigar afsaano mein likhe bhi bayaan ho jati hai...
baaton ke liye sirf nazar hi kaafi hai...jubaan ki kya jarurat.
P.S. - aajkal pure Urdu padne aur likhne wale kam hote ja rahe hain, is baat ka dhyan rakhne ki koshish karein... (jyada log simple poems prefer karte hain, unme se mein bhi ek hun, usse maja double ho jata hai..)
achha likha hai ....
try to keep a more consistnt flow in d poem ....gr8 going ....cheers!!
Post a Comment